Ils set musicants professiunals sunan fingià var 25 ons illa fuormaziun «Da Blechhauf’n» ed els viagian cun lur program tras tuot l’Europa. Fingià plüssas jadas s’han els eir fingià preschantats al «Woodstock der Blasmusik» chi ha lö minch’on in vicinanza da Salzburg e chi attira minch’on var 80 000 persunas. A Tschlin sun ils musicants stats in sonda passada la prüma jada ed els han inchantà il public cun musica instrumentala da tuot ils geners. Els han sunà marchas e polcas, ma impustüt eir tocs da jazz, blues, balladas da pop e perfin musica classica. A mincha chanzun han els dat lur agen buol e lur dinamica nu chatta ingüns cunfins. Rumur ed umur es statta la devisa in sonda saira a Tschlin ed il public ha ingrazchà cun bler applaus ed ovaziun. 

Text, fotografia e video: Nicolo Bass