13.11.2020
Sün fundamaint da l’art. 1 da l’ordinaziun chantunela d’autorisaziun per las vschinaunchas (ordinaziun d’autorisaziun) dals 3 november 2020 ho la suprastanza cumünela decis als 6 november 2020 dad organiser per las seguaintas tractandas üna votaziun a l’urna invezza d’üna radunanza cumünela:

- Appruvaziun dal büdschet 2021 e fixaziun dal pè d’impostas per l’an 2021
- Fixaziun da la taxa per l’utilisaziun speciela dal terrain public per la construcziun e gestiun da la rait da distribuziun electrica per l’an 2022
- Dumanda da credit da CHF 1‘500‘000 incl. IPV per la demoliziun da l’ARA Sax
- Dumanda da credit da CHF 620‘000 incl. IPV per l’adattamaint dal suotpassagi Via dal Shell a Punt Muragl
- Dumanda da credit da CHF 519’000 per la contribuziun al champiunadi mundiel FIS Freestyle 2025
- Appruvaziun da la cunvegna da prerstaziun culla Societed scoula da musica Engiadin’Ota.

Ils affers vegnan explichos in üna missiva a las votantas ed als votants insembel cun ün’arcumandaziun da vuscher da la suprastanza cumünela.

La votaziun a l’urna ho lö als 20 december 2020.

Motivaziun:
Las restricziuns per arrandschamaints decretedas da vart da la Confederaziun chi sun in vigur a partir dals 29 october nu pertuochan in princip las radunanzas cumünelas. Cun que cha tuot ils oters arrandschamaints cun sur 50 persunas sun scumandos e cha la champagna actuela da l’Uffizi federel da sandet cunter il corona arcumanda explicitamaing d’inscuntrer pü pochas persunas pussibel, es que da fer quint ch’ün numer considerabel da votantas e votants nu piglia part a la radunanza. Tauntplü scha bgeras persunas sun in quarantena u cha radschuns epidemiologicas impedeschan la partecipaziun. Que po avair per effet cha bgeras votants a bgers votants sajan exclus da la cooperaziun politica. Que pertuocha in speciel persunas chi appartegnan ad üna gruppa da ris-ch.
La suprastanza cumünela güdichescha l’organisaziun da la radunanza cumünela, tgnand quint da la situaziun da COVID-19 ed in vista a las reglas da cumportamaint da resguarder e las arcumandaziuns (minimer contacts, tegner distanza, ster a chesa), scu irrespunsabla.
La suprastanza cumünela vuless garantir la capacited d’agir da la vschinauncha e da las organisaziuns partenarias dependentas dad ella mantgnand la procedura da decisiun d’ün stedi da dret, sainza expuoner las votantas e’ls votants ad ün prievel da contagiun ed a ris-chs per la sandet na necessaris. Cun l’organisaziun da la votaziun a l’urna nu vain exclus üngün da la coopereaziun politica ed a vain prasto üna contribuziun al cumbat cunter COVID-19.
La suprastanza cumünela
Samedan, ils 14 november 2020
PDF herunterladen