02.12.2020
La suprastanza cumünela da Celerina/Schlarigna ho decreto a chaschun da sia tschanteda dals 23 november 2020, sün fundamaint da l’art. da la Ledscha davart la planisaziun dal territori per il chantun Grischun (LPTGR), üna zona da planisaziun per implaunts da telefonia mobila in vista ad üna examinaziun e revisiun da l’uorden fundamentel cun la seguainta mira:

- relascher directivas davart telefonia mobila
- definiziuns localas davart implaunts da telefonia mobila illa planisaziun d’ütilisaziun.

La zona da planisaziun vela per l’inter territori da la vschinauncha da Celerina/Schlarigna.
Illa zona da planisaziun nu suos-cha gnir interprais ünguotta chi pudess difficulter la nouva planisaziun u cuntraster a quella. In speciel suos-chan gnir permiss progets da fabrica be sch’els nu cuntradischan ni a las planisaziuns, ni a las prescripziuns nouvas.

La zona da planisaziun vela a partir da dalum fin a l’entreda in vigur da las nouvas directivas previsas, al maximum però per la düreda da duos ans zieva la publicaziun preschainta. Arsalveda resta üna prolungiaziun da la zona da planisaziun cun approvaziun dal Chantun.

Il decret da la preschainta zona da planisaziun po gnir contesto infra 30 dis a partir da la publicaziun cun recuors da planisaziun tenor art. 101 LPTGR a la Regenza dal chantun Grischun.

La publicaziun da la zona da planisaziun succeda i’l Fögl Ufficiel dal chantun Grischun ed illa Engadiner Post/Posta Ladina.
Suprastanza cumünela Celerina/Schlarigna
Celerina/Schlarigna, ils 3 december 2020
PDF herunterladen