17.02.2021
La suprastanza cumünela da Samedan ho decis als 15 favrer 2021 ün credit da CHF 50‘000.— per surpiglier ils cuosts restants dals tests COVID-19 in intrapraisas effettuos i’l chantun Grischun.
Dret a quella prestaziun haun intrapraisas domiciliedas al lö cun sedia principela a Samedan.
Exclusas da quel dret sun intrapraisas statelas e parastatelas. Dumandas per fer surpiglier ils cuosts restants sun da drizzer a l’administraziun cumünela cun agiunta dal rendaquint dals
cuosts restants.

La decisiun dal credit suottasto al referendum da finanzas facultativ tenor l’art. 22 al. 1 da la constituziun cumünela. Premiss cha almain 175 votantas e votants predendan in scrit, e que infra 14 dis a partir da la publicaziun, üna votaziun a l’urna, vain l’entreda in vigur leghela da quista decision suspaisa.
Üna geda cha’l referendum es scuors, posseda la decisiun vigur leghela.
Il termin da referendum scuorra in gövgia, als 4 marz 2021.
La suprastanza cumünela
Samedan, ils 18 favrer 2021
PDF herunterladen