28.09.2022
Project da la Viafier retica (VR):
Dumanda per la renovaziun da la staziun Cinuos-chel-Brail
Petenta Viafier retica SA
Bahnhofstrasse 25
7001 Cuoira
Lieu Vschinauncha da S-chanf
Object Renovaziun da la staziun Cinuos-chel-Brail
Procedura La procedura as drizza tenor ils art. 18 ss. da la Ledscha federela davart las viafiers (LViafier; CS 742.101) e tenor l’Ordinaziun davart la procedura d’approvaziun dals plans per implaunts da viafier (OPIV; CS 742.142.1). L’autorited directiva per la procedura es l’Uffizi federel da trafic (UFT).
Exposiziun publica Ils documaints da dumanda paun gnir consultos da gövgia, ils 29 da settember 2022, fin lündeschdi, ils 31 d’october 2022, tar ils seguaints posts:
- Vschinauncha da S-chanf, Chauntaluf 51, 7525 S-chanf (düraunt las uras da büro
ordinaras).
- Uffizi d’energia e da trafic dal Grischun (Ils documaints paun gnir consultos sün
via electronica suot www.aev.gr.ch suot la rubrica «Actualitads»).
Recuors Chi chi’d es partida tenor las prescripziuns da la Ledscha federela davart la procedura administrativa (LFPA; CS 172.021) u tenor la Ledscha federela d’expropriaziun (LExpr; CS 711), po fer recuors düraunt il temp d’exposiziun.

Recuors staun gnir inoltros in scrit e cun üna motivaziun in duos exemplars a l’Uffizi federel da trafic (UFT), Secziun permissiuns II, 3003 Berna.
Chi chi nu fo recuors, es exclus da l’ulteriura procedura (art. 18f al. 1 LViafier).
Expropriaziun Düraunt il temp d’exposiziun staun eir gnir fat valair tuot las objecziuns dal dret d’expropriaziun scu eir dumandas d’indemnisaziun u da prestaziuns materielas (art. 18f al. 2 LViafier).
Uffizi d’energia e da trafic dal Grischun
Partiziun Trafic public
PDF herunterladen