11.01.2023
Applichand l’art. 48 al. 4 da la Ledscha chantunela davart la planisaziun dal territori (LPTGR) ho lö l’exposiziun da recuors in connex culla revisiun parziela da la planisaziun locala chi’d es gnida decisa als 8 december 2022 da la radunanza cumünela.
Fatschenda: revisiun parziela da la planisaziun locala concernent la ledscha da fabrica
Actas d’exposiziun - ledscha da fabrica
- legenda plaun da zonas
-legenda plaun generel da furmaziun
-legenda plaun generel d’avertüra
-rapport da planisaziun e cooperaziun
Temp d’exposiziun 30 dis (dals 13 schner 2023 als 13 favrer 2023)
Lö d’exposiziun/uras d’avertüra Chesa cumünela da Samedan, Plazzet 4, 7503 Samedan, local da publicaziun sül plaun terrain, düraunt las uras d’avertüra.
Las actas d’exposiziun paun eir gnir consultedas scu documaint da PDF sün www.samedan.ch illa rubrica publicaziuns ufficielas.
Recuors da planisaziun Persunas chi haun ün egen interess degn da protecziun da contester la planisaziun u chi sun legitimedas da fer que tenor ledscha federela, paun inoltrer in scrit lur recuors da planisaziun cunter la planisaziun locala, e que infra 30 dis a partir da la data da publicaziun a la regenza.
Organisaziuns per la protecziun da l’ambiaint Organisaziuns per la protecziun da l’ambiaint exerciteschan lur dret da recuors confuorm a l’art. 104 al. 2 LPTGR. Que voul dir ch’ellas annunzchan lur partecipaziun a la procedura infra il temp da recuors tar l’Uffizi chantunel pel svilup dal territori (UST) ed inoltreschan alura eventuelmaing lur pusiziun.
Samedan, ils 5 schner 2023
In nom da la suprastanza cumünela
Gian Peter Niggli, president cumünel
Claudio Prevost, actuar cumünel
PDF herunterladen