27.11.2023
Sün fundamaint da l’art. 48 al. 4 da la Ledscha davart la planisaziun dal territori per il chantun Grischun (LPTGR) ho lö l’exposiziun da recuors davart la revisiun parziela da la planisaziun locala decisa da la radunanza cumünela dals 23 november 2023.
Causa üna dumanda a la radunanza cumünela sun gnidas admissas ütilisaziuns da servezzan e da misteraunza chi nu daun disturbi illa zona d’abiter e zona d’hotels al plaun terrain e plauns suotterrauns. In quist connex sun gnieus adattos ils art. 21a, al. 3 ed art. 4, al. 3 da las prescripziuns da fabrica specielas per la zona d’abiter e la zona d’hotels Foppas a chaschun da la radunanza cumünela.
Object Revisiun parziela da la planisaziun locala Foppas
Actas d’exposiziun planisaziun locala - Plan da zonas 1 :1’000 Foppas
- Plan generel da furmaziun 1:500 Foppas
- Plaun generel d’avertüra 1:500 Foppas
- Plan generel d’avertüra 1:2‘000

Via chantunela da colliaziun
- müdedas ledscha da fabrica
- prescripziuns da fabrica specielas zona d’abiter e zona d’hotels Foppas
- rapport da planisaziun e rapport da cooperaziun
- proget directiv
- attest da protecziun cunter caneras
- tapport dad examinaziun preliminera ARE
Termin d’exposiziun 30 dis (29 november - 28 december 2023)
Recuors da planisaziun Persunas chi haun ün egen interess degn da protecziun da recuorrer cunter la planisaziun u chi sun legitimedas da fer que seguond dret federel, paun inoltrer infra 30 dis a partir da la data odierna da publicaziun a la Regenza ün recuors da planisaziun in scrit cunter la planisaziun locala.
Organisaziuns per la protecziun da l’ambiaint Organisaziuns per la protecziun da l’ambiaint exerciteschan lur dret da recuors in basa a l’art. 104
al. 2 LPTGR, q.v.d. ch’ellas s’annunzchan infra il termin da recuors tar l’Uffizi chantunel per il svilup dal territori (ARE) ed inoltreschan in seguit eventuelmaing üna pusiziun.
Silvaplauna, ils 28 november 2023
PDF herunterladen