01.05.2020
1.La suprastanza cumünela da la Punt Chamues-ch ho l’intenziun dad introdür la seguainta limitaziun dal trafic sün territori cumünel:
üngüna precedenza (sig.3.02)
La Punt Chamues-ch, cruscheda V 725.05 Via da Chamues-ch
culla Via Sandro Viletta.
La Via da Chamues-ch V 725.05 vain priveda da la precedenza in direcziun da La Punt.
2.Cun quista imsüra dess gnir redütta la circulaziun inütila sülla via cumünela da Chamues-ch. Il trafic principel dess gnir mno sülla Via Sandro Viletta.
3.La limitaziun dal trafic planiseda es gnida appruveda als 20 avrigl 2020 da la polizia chantunela sün fundamaint da l’art. 7 al. 2 da la Ledscha introductiva a la Ledscha federela davart il trafic sün via (LiLTV).
4.Objecziuns e posiziuns in connex cul uorden da trafic planiso paun gnir inoltredas infra 30 dis a partir da la publicaziun a la suprastanza cumünela da La Punt Chamues-ch. Zieva avair examino las posiziuns entredas, decida la vschinauncha e publichescha sia decisiun i’l Fögl Ufficiel dal chantun Grischun cun ün’indicaziun dals mezs leghels al tribunel administrativ.
SUPRASTANZA CUMÜNELA
LA PUNT CHAMUES-CH
Il president: Jakob Stieger
L’actuar cumünel: Urs Niederegger
Suprastanza cumünela La Punt Chamues-ch
Ils 30 avrigl 2020, 7522 La Punt Chamues-ch
PDF herunterladen