07.03.2026
La suprastanza da Schlarigna ho decis a chaschun da sia tschanteda dals 26 schner 2026 da fer üna revisiun totela da la constituziun cumünela. Per l’elavuraziun da tela ho la radunanza cumünela tenor l’art. 54 da la constituziun cumünela da tscherner üna cumischiun. Quista tscherna dess gnir fatta a la seguonda radunanza cumünela da l’an 2026 in lündeschdi, ils 13 avrigl 2026.

A quista cumischiun dessan fer part, sper ün/-a rapreschant/-a da la suprastanza cumünela, 4 – 6 persunas cun dret da vuscher a Schlarigna. 

Chi chi ho interess da’s parteciper a la cumischiun per la preparaziun da la revisiun constituziunela, s’annunzcha in scrit fin in venderdi, ils 3 avrigl 2026 tar la suprastanza cumünela da Schlarigna (info@celerina.ch). Annunzchas sun pussiblas eir auncha in occasiun da la radunanza cumünela. Per dumandas suos-cha gnir contacto il president cumünel Andrea Fanconi u il chanzlist cumünel Beat Gruber (tel: 081 837 36 80).
La suprastanza da Schlarigna
Schlarigna, ils 7 marz 2026
PDF herunterladen