26.04.2019
A basa da l’art. 12 al. 1 cifra 6 dals statüts da la Regiun Malögia ho la Conferenza dals presidents da la Regiun Malögia appruvo ils 18 avrigl 2019 il quint annuel 2018.

Decisiuns da la Conferenza dals presidents concernent il quint annuel suottastaun al referendum facultativ confuorm a l’art. 26 dals statüts da la Regiun Malögia. Il termin da referendum düra 90 dis, quinto a partir dal di da la publicaziun da la decisiun.

Il referendum vela scu reuschieu, scha 400 abitants cun dret da vuscher da las vschinaunchas da la regiun haun suottascrit ün referendum. Il referendum po eir gnir dumando dad almain 3 suprastanzas cumünelas.

In occasiun da la tschanteda dals 18 avrigl 2019 es eir gnieu appruvo il rapport da gestiun per l’an 2018. Il quint annuel detaglio scu eir il rapport da gestiun paun gnir telechargios i’l internet suot www.regio-maloja.ch.
Samedan, ils 27 avrigl 2019
Martin Aebli
Parsura da la Conferenza dals presidents
PDF herunterladen