23.01.2026

GRUPPA DA TEATER RATATUGLIA S-CHANF
preschainta üna cumedgia in trais acts

Daspö la fin d’october es la gruppa da teater Ratatuglia S-chanf darcho ad imprender texts (our da la penna dad Anna Caprez)
ed exerciter per savair rapreschanter al cumanzamaint 2026 quatter voutas darcho ün töch in rumauntsch puter.
Üna cumedgia, chi dess ouravaunt tuot darcho tratgnair ed inchanter il public.

Davart il töch:
Manuel Lohri es bun scu ün töch paun, da que cha sieus conumauns profitan rigurusamaing. Traunter oter sia patruna
Filomena Schech, sia agenta da sgüraunzas, Esperanza Rodriguez u eir sieu chantunais, Giovanni Rossi. Sia vita as müda però dad ün mumaint a l’oter, zieva ch’el segua al cussagl da sieu amih Rico Bundi, nempe dad ir tar l’ipnotisedra Samanta Salamanca. Quella dess müder sieu penser e que cumplettamaing. Propi ün grand agüd nu l’es sieu amih Rico neir na, causa cha quel es persvas, ch’el vegna perseguito e spiuno da servezzans secrets esters. Eir tar l’amur adascusa da Manuel e Carla Pelazzi, nu funcziuna que uschè scu ch’ella vess gugent. Sia tmüchezza cumbineda cun sia cuorta vzüda pisseran adüna darcho per situaziuns fatelas, adonta da l’agüd da sia bun’amia, Lea Bazzell. Interessant dvainta tuot que tres duos aungels da protecziun chi vessan la lezcha da
proteger a Manuel ed a Carla. Il battibuogl es programmo.

DATAS DA RAPRESCHANTAZIUN
illa sela polivalenta a S-chanf
Premiera venderdi, 30 schner 2026 20:00
2. rapreschantaziun sanda, 31 schner 2026 20:00
3. rapreschantaziun sanda, 7 favrer 2026 20:00
Ultima rapreschantaziun dumengia, 8 favrer 2026 15:00

Aufführungstermine in der Mehrzweckhalle S-chanf
Premiere Freitag, 30. Januar 2026 20.00 Uhr
2. Aufführung Samstag, 31. Januar 2026 20.00 Uhr
3. Aufführung Samstag, 7. Februar 2026 20.00 Uhr
Letzte Aufführung Sonntag, 8. Februar 2026 15.00 Uhr